Thursday, September 21, 2017

እጃችን አንሰጥም

ሂትለር ቢያንገራግር ጎልያድ ቢዝትም፣
አልመን ባንመታ ተኩሰን ብንስትም፣
ወንጭፍ ሳይበጠስ እጃችን አንሰጥም።
ከማር ሸክም ሲበልጥ የቴንሽን ሚዛኑ፣
“ደሞዝ ተጨምሯል”ብላችሁ ተጽናኑ።

Saturday, September 02, 2017

እስኪ ይጠየቁ

ወደታች ስንት ነው የባህር ጥልቀቱ?
ዓለምስ ወደጎን ስንት ነው ስፋቱ?
መሬትና  ፀሐይ ስንት ይራራቃሉ?
የሰማይ ከዋከብት  እንዴት ይደምቃሉ?
የሲዖል ጨለማ  ምን ያህል ይጠልቃል?
የሰው ልጅ ልቦና  ምን  ያህል ይመጥቃል?
አእምሮ ቢጠበብ እስከ የት ጥግ ያውቃል?
ሁሉም ወሰን አለው አብጅቷል ዳር ድንበር፣
ፍፁም አይደለችም ደምቃ  አትቀርም ጀንበር።
ሁሉም ጎደሎ ነው ይሻል ሌላ ግባት ፣
ትዕግስት ጠረፍ አለው ገደብ አለው ጽናት
ምኗም ሙሉ አይደለም ዓለምም ባዶ ናት፤
ቀንም ያለ ፀሐይ ሌት ያለ ጨረቃ፣
አቅም የላቸውም ድኩም ናቸው በቃ።
አድሮ ይቀየራል ሰው ወረተኛ ነው፣
ውዱን ያሞካሻል ነገ ሊኮንነው።
ፍጥረት ግፈኛ ነው እራሱን ይወዳል፣
ህሊናውን ክዶ ጥቅሙን ያሳድዳል።
እስከማላውቀው ጥግ የሚወድሽ ሆዴ፣
ታዲያ እኔ ምንድን ነኝ ሰው አይደለሁ እንዴ?
በማዕረግ ብመረቅ ብሆን  ተሸላሚ፣
ሪከርድ  በመስበር ሰውን አስደማሚ፣
ፍጥረት የሚያደንቀኝ ብሆን የሰው ጀግና፣
ትንሹም  ትልቁም የሚያውቀኝ በዝና ፤
ተሸናፊም ብሆን ምስኪን የሰው ተራ ፣
ከአስጨብጫቢዎች ጋር ስሜ ማይጠራ፣
ተገፍቸም ብወድቅ ይች ዓለም ብትክደኝ፣
ከምወድሽ በላይ ልብሽ የሚወደኝ፤
ምኞት ምርቃትሽ የሆነኝ መከታ፣
ቁጣና እርግማንሽ በማይበረታ
እስኪ መልሽልኝ ልጠይቅሽ  ለአፍታ፤
ሳይበሉ የሚያጠግብ ስምሽን ሲጠሩ፣
ወሰን አልባው ፍቅርሽ  ምንድነው ምስጢሩ?
ሲያስቡሽ ፈገግታን ደስታን የምትሰጭ፣
በቀዝቃዛ ዓለም ውስጥ ሙቀት የምትረጭ፤
ውለታ ማትቆጥሪ ወረት የማታውቂ
ስለ አብራክሽ ክፋይ የምትጨነቂ፤
ድህነት ቢይዘው እጅሽን ጨምድዶ፣
ገላሽ በጋሬጣ እንደ ፍየል ታርዶ፣
የማይታጠፍ ክንድ ተንቆም ተዋርዶ፤
የማይደክም ወገብ የማይዝል ትክሻ፣
አቅፎ የሚደግፍ እስመ መጨረሻ ፤
የደፈረሱ ዓይኖች በጭስ የጠገጉ፣
ሸካራ መዳፎች በእሾህ የተወጉ፤
ጎስቋላ ግርባቶች ጫማ የማያውቁ፣
ሰንጣቃ ከናፍርት በብርድ የደረቁ፣
እስኪ ቢፈቅዱልኝ ዛሬስ ይጠየቁ።
ጥግ የሌለው ጽናት ተስፋው ያልተነካ
ልጅሽ የማይመስልሽ በልቶ የሚረካ ፤
ለእርሱ የተኖረ የእድሜሽ እኩሌታ፣
ሁሌም በመጨነቅ  ዘወትር ጧት ማታ፤
ሊገልፅ የማይችለው የብዕሬ ጠብታ፣
ትርጓሜው ምንድን ነው የፍቅርሽ አንድምታ?
አፍሽን ክፈችው እስኪ እንነጋገር፣
ወረት የማይገዛሽ ባትሆኝ ገራገር፣
ለውለታሽ ምላሽ ምን ይከፈል ነበር?
©ጌች ቀጭኑ: ለእናቴ ወ/ሮ ትሁኔ ዋሴ
                   ነሐሴ 27/2009 .

Thursday, August 17, 2017

ሳይኮፓትስ

ለጋራ ደህንነት የማይጨነቁ
ጤነኛ ነን ሲሉ ታመው የማቀቁ
ላያቸው  ያማረ  ልስን መቃብሮች
በበግ ለምድ ያጌጡ አስመሳይ ቀበሮች
አጉራ ዘለል ወይፈን ተራጋጭ ጊደሮች
ጋውን የለበሱ የተቋም አውሬዎች
ጊዜ ያለፈበት ክኒን ቸርቻሪዎች
ከአምላክ የተጣሉ አሉ ወንበዴዎች
ሐኪሞች ሲባሉ የመርዝ ነጋዴዎች
ባለጌ መች አጣን አሉን ጋጠ ወጦች
በልተው የማይጠግቡ የሆስፒታል አይጦች
ወንጀል በዞረበት ቦታ ማይታጡ
እጅ ከፍንጅ ተይዘው የማይደነግጡ
ላደጉበት ባህል እውቅና ማይሰጡ
ለምድራዊ ሥልጣን የማይታዘዙ
ለፈጣሪያቸው ህግ ፍጹም ማይገዙ
በዓይነ ስውር ፎቶ ዶላር ሚበደሩ
የድሃ አደጉን ልጅ ጾም የሚያሳድሩ
ከረዥም ልምዳቸው እውቀት ማይቀምሩ
አሊያም ከደጋጎች አንዳች ማይማሩ
በዝባዦች ሞልተዋል በየጉራንጉሩ
ውስጣቸው ሲገለጥ እጅግ ሚከረፉ
ከአጋንንት አለቆች በግብር የከፉ
ከሙዳዬ ምፅዋት ቅኔ የሚዘርፉ
ደግ ቅን አሳቢ ጤነኛ ሚመስሉ
አትሮኖስ ላይ ቆመው መንፈስ ሚያታልሉ
መዝሙር ሲያልቅባቸው ቀረርቶ ሚሞሉ
በበትረ ሙሴ አምሳል ለአንገት ሰይፍ ሚስሉ
ከቤተ መንግስትም ከቤተ መቅደስም ሳይኮፓቶች አሉ


Note: Psychopaths are individuals with Antisocial personality disorder and they are characterized by Continuous disregard for the safety of oneself and others, Violation of the rights of others without feeling remorse, Failure to learn from experience, Social deviance, Manipulative or parasitic attitude and Resistance to authorities. They often wear ‘a mask of sanity' and may appear quite normal, charming, and understanding. Surprisingly there are three and half times more psychopaths in senior executive positions than there are in the general population.
©ጌች ቀጭኑ ነሐሴ 11/2009 ዓ.

Tuesday, August 08, 2017

እይታ

ከሁሉ አስቀድሜ በዚች አጭር ጽሑፍ ቢሆን ጥሩ ነው ብዬ የማስበውን ሀሳብ ለማስተላለፍ  እንጅ አንዱን አሳንሶ ሌላውን ከፍ የማድረግ ዓላማ እንደሌለኝ ለመግለጽ እወዳለሁ። ምናልባት መስሎ የሚታየው ካለ ግን እርሱ አስተሳስቡን ያስተካክል።

ያ ስሙን የማላስታውሰው መዝገበ ቃላት “ስብሰባ የሚለው ቃል በቁሙ ሲፈታ  ውኃ ውኃ የሚሉ ሰዎች ተመራርጠው የሚሰባሰቡበት፤ በየደቂቃው አፋቸውን በሀይላንድ ውኃ እየተጉመጣመጡ ውኃ የማያነሳ ሀሳባቸውን የሚሰነዝሩበት ፤ በመጨረሻም ከውኃ የቀጠነ ውሳኔ አሳልፈው የሚለያዩበት የሰዎች ጥርቅም ነው ” ያለው እውነቱን ሳይሆን አልቀረም። እንደዚህ የምለው ያለ ምክንያት አይደለም፤ ላለፉት አራት ዓመታት እንዳስተዋልሁት  ክረምት  በመጣ ቁጥር ለዩኒቨርሲቲ ተማሪዎች እየተባለ የተለያዩ ስብሰባዎች (ስልጠናዎች)ተዘጋጅተዋል ተካሂደዋልም። አንዳቸውም ግን የህክምና ተማሪዎችን  አሳትፈው አያውቁም ። ከ“ጥልቅ ተሐድሶ”ው በስተቀር።

“ይህ የሆነው የህክምና ተማሪዎች ጊዜ ስሌላቸው ነው።” ብሎ የሚከራከር የዋህ ይኖር ይሆናል። እኔ ግን አይመስለኝም። የስብሰባው አስፈላጊነት ከታመነበት በስብሰባው መሳተፍ ያለባቸው ጊዜ ተትረፍርፎባቸው “ክረምቱን በምን እናሳልፈው” የሚሉት ሳይሆኑ ጊዚያቸውን አጣበው የሚጠቀሙት ናቸው። ምክንያቱም በትርፍ ጊዜው የሚሰበሰብ ሰው ሃሳብ  የሚሰጠውም  ውሳኔ  የሚወስነውም ትርፍ ጊዜ  ስላለው እንጅ አስፈላጊነቱን አምኖበትና ከልቡ አስቦበት ነው ለማለት ይከብደኛል።

በመሰረቱ ለአንዲት ሀገር እድገት የሚያስፈልገው ሥራ ነው እንጅ ስብሰባ ነው ብዬ አላምንም። የግድ ስብሰባ ያስፈልጋል ከተባለ ግን  በ12ኛ ክፍል ፈተና የተሻለ ውጤት አስመዝግበው ህክምና  ትምህርት ቤት የገቡ ተማሪዎችን ማሳተፍ አማራጭ የሌለው ግዴታ ይመስለኛል።“ከተባለ ወዲያ እናርገው በፍቅር ጥርስዎን ያውሱኝ ድንቸ ቆሞ አይቅር” እንዲሉ አያቴ ። እውነት ችግሩ የጊዜ ማነስ ከሆነ ሁለት ሳምንት የሚፈጀውን ስልጠና አጠር መጠን አድርጎ በአራት ወይም በአምስ ቀናት መጨረስ  ያማይቻል ሆኖ ነው? ከህክምና ተማሪ ጭንቅላት የሚመነጨውን ሃሳብ መረዳት የሚችል፣ የሚጠይቁትንም   ጥያቄ የመመልስ አቅሙ ያለው የስብሰባ መሪ ከተገኘ ማለቴ ነው።

መቼም እየተደረገ እንዳለው የAnesthesia ተማሪዎች የ”medicine” ተማሪዎችን ወክለው ይወስኑ ብሎ የሚሟገት ይኖራል ብዬ አላስብም።

©ጌች ቀጭኑ ነሐሴ 2/2009 .

Saturday, August 05, 2017

ችግር ሲደራርብ

አንዳንዴ  ችግሮች ሁሉ በሰው ላይ ያድማሉ። የመጀመሪያው ችግር ያስከተለው ሃዘንና መከራ ከልብ ሳጠፋ ሁለተኛው ይከተላል። መከራ መከራን እየመዘዘ በመሳሳብ የተቀባዩን  አሳርና ፍዳ ያበዛዋል። ጊዜና ምክንያት ተረዳድተው የችግር ሰንሰለት፣የመከራ ቀለበት  ይፈጥራሉ። በሰንሰለቱ የታሰረ በቀለበቱ የታጠረ እዬዬን ዘፈኑ አድርጎ ብሶትና ትካዜን ሲያንጎራጉር ተስፋ ቆርጦ ተስፋን  እያበቀለ ጊዜ ያመጣበትን  ጊዜ እስኪያስረሳው አካል መንፈሱ ይንገላታል። አንዳንዱ ሃዘንና ችግሩን አፍ አውጥቶ ለሌላው በማካፈል አልቅሶ ይለቀስለታል፤አዝኖ ይታዘንለታል። ያም ብቻ ሳይሆን ከከንፈር መምጠጥ አንስቶ እስከ ከባድና ውስብስብ ደረጃ ያለ እርዳታና መፍትሄ ሁሉ ይለገሰዋል። እናም ትንሽ ሲነካ ብዙ በመጮህ ችግሩ ሳይጎዳው በፊት የቅርብ የሩቅ ወዳጁን አስቸግሮ በእንጭጩ ይቀጨዋል። አንዳንዱ ደግሞ ለዚህ አልታደለም። ችግሩን ለብቻው አፍኖ በመያዝ ወደ ውስጡ እያነባ መንፈሱን በጭነንቀት እያደቀቀ አካሉን በጥያቄ እስኪያስገምት ይብሰከሰካል። ብዙ ጊዜ ሐሳብና ችግራቸውን ለብቻቸው ይዘው የሚብሰለሰሉ ሰዎች አካባቢያቸውን በስጋት የሚመለከቱ ናቸው ። ፍርሃትና ጥርጣሬ አይለያቸውም ። እምነታቸው በራሳቸው ላይ ብቻ በመሆኑም ችግራቸውን በውስጣቸው አምቀው በይሉኝታ፣በእልህና በመግደርደር  አጽናኝ ረዳት ሳያገኙ ጉዳታቸው እያየለና እየከፋ በመሄድ በእነሱ ፍላጎት ሳይሆን በችግራቸው ከአቅም በላይ መሆን ይጋለጣሉ። ነገር ግን ከረፈደ ነውና ከዘመድ ወዳጅ ሊያገኙ የሚችሉት እርዳታ ችግራቸው የሚወገድበትን ሳይሆን ችግራቸውን አምነው የሚቀበሉበትን ምክርና መፍትሔ ነው። ይህ ጽሑፍ ገመና የተሰኘ ረዥም ልብወለድ ሳነብ ያገኘሁትና በማስታወሻ ደብተሬ ከትቤ ያስቀመጥሁት ሲሆን በዛሬው እለት አንዲት የፌስቡክ ጓደኛዬ “ዛሬ ባጣም ክፍት ብሎኛል“ ብላ ፖስት ስታደርግ ከጠቀማት ብዬ ልኬላት በጣም እንደወደደችው ስለገለጸችልኝ በጦማሬ ላይ ላሰፍረው ተገድጃለሁ።ጥሎብኝ ሴት ልጅ ስትከፋ ማዬት አልወድም።
 ያለ ጭንቅ አይወጣም የሴት ልጅ ገንዘቧ፣
በከፈለች ማግስት ይቀጥናል ወገቧ፤
እያልሁኝ እሟገት እከራከር ነበር፣
መሆኗ ሳይገባኝ የልግስና በር።
ጌች ቀጭኑ!

Monday, July 24, 2017

የሐበሻ ቀጠሮ

የሐበሻ ቀጠሮ ሲባል ግን አይገርማችሁም? በፈረንጅኛ እንማራለን በፈረንጅኛ እናስተምራለን፣በፈረንጅኛ እንታመማለን፣ በፈረንጅኛ ታክመን በፈረንጅኛ እንድናለን። በፈረንጅኛ እንመርቃለን(እናመሰግናለን)፣በፈረንጅኛ እንሳደባለን። በቢዮንሴ እና በሻኪራ ዘፈን እንጨፍራለን፤ የፈረንጅ ልብስ እንለብሳለን፤ የፈረንጅ መጠጥ እንጠጣለን፤የፈረንጅ ምግብ እንመገባለን (ለማለት ቢከብድም)። ከፈረንጅ ያልወረስነው ነገር ምን አለ? እንደ እኔ ከፈረንጅ ያልኮረጅነው ነገር ቢኖር የቀጠሮ አከባበራቸውን ብቻ ነው። ፈረንጆች የሚሆኑትን ሁሉ እንሆናለን። የሚያደርጉትንም እንደ አቅማችን ለማድረግ እንጥራለን። የሰዓት አጠቃቀማቸውን ለመስረቅ ሙከራ ሲያደርግ የተያዘ ወንጀለኛ ግን ያለ አይመስለኝም።ይልቁንም ደካማ የጊዜ አጠቃቀማችንን የሐበሻ ቀጠሮ የሚል ሽፋን እንሰጠዋለን።

የሐበሻ ቀሚስ ከተነደፈ ጥጥ ይሸመን ከታኘከ ማስቲካ ይሰራ የማያውቁት ሴቶቻችን እንኳን ዳሌያቸውን ከጉልበቱ ላይ በተቀደደ የቻይና ጅንስ ወጥረው ለምን የቀጠሮ ሰዓት እንዳላከበሩ ሲጠየቁ “ምን ይደረግ የሐበሻ ቀጠሮ አይደል” ማለት ይቀናቸዋል። ወይ ሐበሻ እቴ ድንቄም ሀበሻ! የማር ሰፈፍ የመሰለ እንጀራ ጋገሮና በቅምጥ የሚስቀር ጠላ ጠምቆ ነበር እንጅ ሐበሻነትን ማስመስከር። “ትርክርክ” አለች አክስቴ። በነገራችን ላይ እኔ እስከማድግ ድረስ ሴቶቻችን በዚህ ከቀጠሉና ለቀጠሮ ያላቸው አመለካከት ካልተስተካከለ ቆሞ ቀር እባላለሁ እንጅ ሚስት የምትባል ጉድ ላለማግባት ቁርጥ ያለ ውሳኔ ላይ ደርሻለሁ። በቃ አዱኛ አበባዬን ሳላይ ብሞት ይሻለኛል።(የመጀመሪያ ሚስቴን ልፈታት ስላሰብሁ ከተሳከልኝ ማለቴ ነው) ። ቀጠሮ የማታከብር ሴት ቱ... ሞቻለኋ!

ምን ለማለት ፈልጌ ነበር ? ባለፈው ቅዳሜ እለት የሆነች ስልጠና ቢጤ ለመሳተፍ ከጥዋቱ 2:00 ላይ የሆነ ቦታ ተገኝቸ ነበር። ስልጠናው ወይም ስብሰባው በማስታወቂያ ከተገለፀው ሰዓት 80 ደቂቃዎችን ብቻ ዘግይቶ ተጀመረ። ወደ ስብሰባው አዳራሽ በጓሮ በር ገብተን እንደተቀመጥን ግማሽ ሌትር የሀይላድ ውኃ በነፍስ ወከፍ ታደለን። (እኔም እንደሰው ወግ ደርሶኝ የሀይላንድ ውኃ እየጠጣሁ ስብሰባ ስሳተፍ ይህ የመጀመሪዬ ነው። ከነ እማማ ደብሬ ቤት በታች ካለችው ቤተመጽሐፍት ውስጥ የሚገኝ አንድ ስሙን የማላስታውሰው መዝገበ ቃላት “ስብሰባ የሚለው ቃል በቁሙ ሲፈታ ውኃ ውኃ የሚሉ ሰዎች ተመራርጠው የሚሰባሰቡበት፤ በየደቂቃው አፋቸውን በሀይላንድ ውኃ እየተጉመጣመጡ ውኃ የማያነሳ ሀሳባቸውን የሚሰነዝሩበት ፤ በመጨረሻም ከውኃ የቀጠነ ውሳኔ አሳልፈው የሚለያዩበት የሰዎች ጥርቅም ነው ”ይላል።)

ወደ ቀደመ ነገራችን እንመለስ በተሰጠችኝ ውኃ ንዴቴን አብርጄ አገር ሰላም ብዬ በተቀመጥሁበት ከመርሀግብር መሪዎቹ አንዷ ወደመድረክ ሰበር ሰካ እያለች ወጣችና ቀብረር ብላ “good morning every body welcome to …”አለች በፈረንጅኛ ነው እኮ። አቅለሸለሸኝ ጨጓራዬ ተነሳብኝ፤ በቃ ተቃጠልሁ። ሊነስረኝም አማረው። አሁንም ቀጠለች “….. let’s have some ground rules… first thing is punctuality. Punctuality or timely arrival is a must .” ብላን እርፍ።መቼስ ሰማንያ ደቂቃ አርፍዶ የመጣ ሰው ሰዓት አክባሪ ለመምሰል ሲገዳደር ያልወረደ መብረቅ እራሱም ዘገምተኛ መሆን አለበት።

እንዴው ፈጣሪ አያድርግብኝና የሰይጣን ጆሮም አይሳማ እንጂ ሰሞኑን የጨጓራ በሽታዬ ድጋሜ ከተነሳ ምክንያቱ ከወ.መ.ሽ ሰልፍ እና ቀጠሮ ከማያከብሩ ሰዎች የዘለለ አይሆንም። አይ ወመሽ ወመሽ እኮ ሰልፍ ይወዳል። ካፌ ሰልፍ፣ ሻይ ቤት ሰልፍ፣ ቡና ቤት ሰልፍ፣ ሽንት ቤት ሰልፍ ፣ ሰልፍ ፣ ሰልፍ፣ ሰልፍ ነው ።

Wednesday, July 19, 2017

እርሳኝ አትበይኝ

በድል ያሳለፍሽኝ የሞትን አደጋ፣
እንዳይ የረዳሽኝ የህይወትን ዋጋ፣
የልፋት ደሞዜን የተጋድሎን ፀጋ፤
በውለታሽ ብዛት ያረግሽኝ ባለዳ፣
የመስከረም አደይ ውቧ ጽጌረዳ ፣
ልቤን ያሸፈትሽው ገና በማለዳ፤
ፍቅርን የሰጠሽኝ ጠቅልለሽ በሸማ፣
ስምሽ በአንደበቴ ከፍ የሚል ከማማ፤
ከእንቅልፍ የሚያነቃኝ የጉርሻሽ ትዝታ፣
ድምጽሽ ሚያባንነኝ ሁሌም ጥዋት ማታ፤
ከብርንዶ ይልቅ ሽሮሽ ሚናፍቀኝ፣
አንች በሌለሽበት ወለላ የሚያንቀኝ፤
ተዳፍነሽ የቀረረሽ የልቤን ውስጥ እሳት ፣
እንዴት ይቻለኛል እኔ አንቺን ለመርሳት?
አበባ ጥርሶችሽ ከኔ ይሰንብቱ፣
ሳቅና ጨዋታ ዝና የሚያውቁቱ፤
ብዬ ያዜምሁልሽ የሀሴት ዝማሬ፣
በናፍቆትሽ ስሞት አብሬሽ አድሬ፤
አምባገነን ሥልጣን ከላይ የተቸረው ፣
መተተኛ ዲያቆን አንደበቴን  ቢያስረው፤
ማሰንበት ቢቻለው ጭድን ከእሳት ጋራ፣
ማስታረቅ ቢያውቅበት ሸማን ከገሞራ፣
በአንቺ እና እኔ መሀል ቢያፈልስ ተራራ፣
መውደዴን ባልነግርሽ ቢያዝ አንደበቴ፣
እርሳኝ አትበይኝ አይችልም አንጀቴ።
ፍቅሬን ባልገልጽልሽ ቢዘጋ ልሳኔ፣
እርሳኝ አትበይኝ ችሎ አይችልም ጎኔ።

©ጌች ቀጭኑ ለY.F 
ሐምሌ 12/2009 .

Thursday, July 13, 2017

ማን ዘርቶ ማን ያጭዳል?

አንድ አርሶ አደር  ያልዘራውን ስንዴ ወይም አርሞ ኮትኩቶ ያላሳደገውን አዝመራ መከር ሲደርስ እሰበስባለሁ ብሎ ሊከራከር እንደማይችል ማንም ሰው የሚያውቀው ጉዳይ ይመስለኛል። ታዲያ  በዩኒቨርሲቲ ቆይታው ተቸጋግሮ  ሲማር፣ እንደ አጋጣሚ በንባብ ተጠምዶ ሳያስበው የካፌ ሰዓት በማለፉ ጾሙን ድፍት ብሎ ሲያድር፣ እንደ ሌሎች ሻይ ቡና ብሎ ወደ ንባብ የሚመለስበትን ቀን ሲናፍቅ፣ ይቺ የሻይ ቡና ይቺ ደግሞ የሳሙና  ትሁንህ ያላሉትን ተማሪ ዛሬ ላይ ዳቦ ጋግሬ፣ ጠላ ጠምቄ፣ ሙክት አርጄ፣ ፍሪዳ ጥዬ አስመርቅሀለሁ ማለት የሞላኝ የደላኝ ሀብታም ነኝ ብሎ ለመመፃደቅ ካልሆነ በቀር ሌላ  ምን ትርጉም ይኖረዋል? ተቀያሪ በሌላቸው ልብሶቹ የጓደኞቹ መሳለቂያ  እስከሚሆን ሲቸገር  ለደብተር እና ለእስክርቢቶ እጁን ያልዘረጋ ዘመድ የምረቃ ዕለት እንደ ድንገት የ90 ብር አበባ እና የ5ሺህ ብር ስማርትፎን ይዞ ማዘጥዘጡስ ምን ሊበጅ? ማን የዘራውን፣ ማን አርሞና ኮትኩቶ  ያሳደገውን፣ ማን ያጭዳልያልዘሩትን አጫጅ ከመሆን ይሰውረንማ አቮ !!! ለማንኛውም ተመራቂዎች እንኳን ደስ ያላችሁ ብያለሁ።
 ሰኔ 1/2009 .ም :ሲስኮ

Tuesday, July 11, 2017

አታሳደኝ በለኝ


ወደህና ፈቅደህ የፈጠርኸኝ ጌታ፣

ምስጋና ይብዛልህ ይድረስህ ሰላምታ።

በመላእክት ሀገር በጻድቃን ከተማ፣

ክብርህ የገነነ በኤረር በራማ፣

ጸሎቴን ተቀበል ልመናዬን ስማ።

ማሳደጃ ጦማር የሹመት ደብዳቤ፣

የሀጢአት ፍላጻን በወገቤ አንግቤ፣

በዝሙት በሐሜት በክፋት ታጅቤ፣

ወንጌል ዲቃላ ስል ጥበብን ተርቤ፤

የመወጊያውን ብረት ስቃወም በፀና፣

“አታሳደኝ” በለኝ ድምጽን አሰማና።

በምድረ ደማስቆ የወረደው መብረቅ፣

የልቤን ደጅ ይምታ አለቱም ይሰንጠቅ፤

ሳታቆስል ማርከኝ አድርገኝ ምርጥ እቃ፣

ስምህ በአንደበቴ የሞተ ሰው ያንቃ።

የእስር ቤቱ መዝጊያ መሀሉ ይፈለጥ፣

ክብርና ሞገስህን በባሪያህ ላይ ግለጥ።

በደስታ ልዘምር ምድር ትደባለቅ፣

ጠላቴን ይጭነቀው አካላቱ ይለቅ።

ጸናጽሌን ልያዝ ከበሮዬን  ልምታ፣

ዓለም ግሩም ትበል ታምርህን አይታ።

((©ጌች ቀጭኑ)):ገዳም ሰፈር
ሐምሌ 4/2009 ዓ.

Wednesday, July 05, 2017

🎓አውቆ የደደበ🎓

ለሰው ግድ የሌለው አምላኩን ማይፈራ፣
እንኳን ለወንድሙ ለእናቱ ማይራራ፣
ግን ደግሞ !
“የተማረ” ተብሎ በማዕረግ ሚጠራ፤
ጭንቅላቱ ከስቶ ምላሱ ያበጠ፣
በሰይፍ አንደበቱ እልፍ የቆረጠ፣
አብዶ ያልወጣለት ምራቁን ያልዋጠ፣
የትህትናን ደጅ እግሩ ያልረገጠ፤
ከፍቅር ገበታ  እጁ ያልዘገነ፣
የተስፋው ጭላንጭል ከፀጉር የቀጠነ፤
በምስኪኖቹ ላብ ከርሱን የሚሞላ፣
ሰቆቃ እና ስቃይ የሚመስለው ተድላ፤
በወይን ጠጅ ያይደል በግፍ የሰከረ፣
በክፋት ተሞልቶ ጢምብራው የዞረ፣
አውቆ የደደበ  ስንት ማይም አለ!
©ጌች ቀጭኑ ሰኔ 27/2009 ዓ.

Thursday, June 29, 2017

💌መርዶ💌

Love joy and peace are deep state of being..........as such they have no opposite. This is because they arise from beyond the mind. Accordingly real love doesn't make you suffer. How could it ? It doesn't suddenly turn into hate,nor does real joy turn into pain .

The reason why many love relationships after the initial euphoria  passes,or  oscillate between "love" and hate,attraction and attack, is that what we usually call love is the short lived pleasurable  aspect of  emotion which is subject to the law of opposites; which states every thing that gives you pleasure today will give you pain tomorrow,or it will leave you,its absence will give you pain. . . . . . {the power of now}

ከዩኒቨርሲቲ መመረቅን ምክንያት በማድረግ “ስለነበረን ጊዜ አመሰግናለሁ።” የሚል መልእክት ((መርዶ)) የደረሳችሁ ወይም ለመባል በዝግጅት ላይ ያላችሁ “አፍቃሪያን” መፅናናትን ከአርያም ይልክላችሁ ዘንድ እመኝላችኋለሁ።አንዳንዶች የገንዘብና የዝሙት ጥማታቸውን አወንታዊ ገጽታ በተላበሰ  መልኩ ለማርገብ ሲፈልጉ “ፍቅር” የሚል ስም ይሰጡታል። ታዲያ ይህን ድብቅ ጥማታቸውን የሚያስታግስ የተሻለ  አማራጭ ሲያገኙ የቀደመ ፍቅራቸው በጥላቻ፣ መውደዳቸውም  በንቀትና በኩራት ይተካል።

እውነተኛ ፍቅር ግን እየተጠሉ መውደድ፤እየተካዱም ማመን ነው። እውነተኛ ፍቅር ይታገሳል ፤ ቸርነትንም ያደርጋል እንጂ አይቀናም ፤አይታበይም ፤የማይገባውን አያደርግም ፤በደልን አይቆጥርም። እውነተኛ ፍቅር ማለት የሚወዱትን ሰው አስገድዶ የራስ ማድረግ ወይም የራስን ፈቃድ ማስፈፀም ሳይሆን የተወዳጁንም ምርጫና ፍላጎት ማክበር ነው። 

ሳንጠይቀው ካለመኖር ወደ መኖር አምጥቶ የፈጠረንና  አንድያ  ልጁን ለሞት አሳልፎ እስኪሰጥ ድረስ እንዲሁ የወደደን እግዚአብሔር እንኳን “እኔ የፈጠርሁትን  አየርና ውኃ፣ ፀሐይና መሬት እየተጠቀማችሁ፤ የበደላችሁንም ካሳ ከፍዬ ከኀጢአት ባርነት ነጻ አውጥቻችሁ፤ እኔን ከመውደድ (ከማምለክ) ውጪ ሌላ አማራጭ የላችሁም” አላለንም። የእውነተኛ ፍቅር መገለጫው ይህ አይደለምና።  ((©ጌች ቀጭኑ))

Tuesday, June 13, 2017

congratulation !!!

My respected colleagues; Dear Bulcha Nuguse, Dear Behailu Bizuneh and Dear Endalaye Mulugeta the president, vise president and secretary respectively of jimma university students union in the upcoming year 2010 E.C; First of all I would like to say congratulation  for winning the election held in our campus last sunday. Saying this I would like you to bear in mind the following short and presize message so that you will be the best  leaders ever seen in the union.

A leader takes people where they want to go. A great leader takes people where they don’t necessarily want to go, but where they ought to be. Leadership does not always have to come from a position of authority. "If your actions inspire others to dream more, learn more,do more, and become more, you are a leader"John Quincy Adams. A key characteristic of all great leaders is the willingness to serve as the leader.

Friday, June 09, 2017

👉hyposceincemia

አሁን በቀደም ዕለት አንዱ ታላቅ ሀኪም፣
hyposceincemia ለሚያመጣ ህመም ፣
ከድድብና ጫፍ ለደረሰ አዕምሮ፣
ጥበብ ለማይገባው በወሬ ደንቁሮ፣
ምንም progress ለሌለው ውሎ አድሮ፣
ንግድ አስጀምሩት ከትምህርቱ ጓሮ።
ፍቱን መድኃኒት ነው ከቶ 'ማያዳግም፣
ቢያንስ ward እየመጣ senier አያዝግም።
እውቀት  ላካፍላችሁ ከዘመናት ልምዴ፣
ብዙዎች ሆነዋል የጦፈ ነጋዴ።
ሲሉ ሰማኋቸው በዓይኔ በብረቱ፣
“ጭሳሞች ካላችሁ በጭሳችሁ በርቱ!”
*ጌች ቀጭኑ ከገዳም ሰፈር * 
ይካቲት 17/2009 ዓ.ም

Wednesday, June 07, 2017

⛅ሙሉዋ ጨረቃ⛅

ሙሉዋ ጨረቃ
ብሩህ ነሽ ደማቃ
ታለቅሳለች ነብሴ ተስፋ ትቆርጥና፣
በውበትሽ ተማርካ በመራቅሽ አዝና።
ብሆን ከወለሉ አንቺም ጣሪያ ላይ
ዝቅዝቅ ከሚያዩትስ እሚያምር የለም ወይ?
አንገትን ሲያቀኑ ብቻ ነው ማማሩ፣
ያም ይሄም ያም ይሄም ዐይንን ማጭበርበሩ፣
ፈክቶ መታየቱ ሽልምልም ማለቱ
በሩቅ ማጓጓቱ?
ለዓይንም ሌላ  ዓይን አለው
-አንድን ጥርኝ አፈር-
ድንጋይ ብሎ እሚያስጥል በየጉራንጉሩ፤
ወርቅ ብሎ እሚያስቋጥር በየማህደሩ፤
እኔውም  ብሆን ነው የዓይኔ ዐይን ባርያ፣
ሳውቀው መሆንሽን የሌሎች አምሳያ፣
ጉልላት ያረኩሽ የፍጥረት እናት፣
በውን እምትሞቂ ድንቅ የሕልም እሳት።
ዳኛ ነው የሚፈርድ ምክንያት ጠቅሶ መጽሐፍ አንብቦ
ግን ከሳሽ ተከሳሽ/ያው እንደኔ እንዳንቺው/
ስሜቱን አንግቦ
አእምሮው ረግቦ
አውቃለሁ እንዳይሻር ይህ ብሉይ አዋጅ፣
ከአለኝታዬ አይጃጅ በምኞቴ አይዋጅ፣
እንደነበር ሲኖር መታከት መታከት
መታከት ነው እንጅ።
ነውናም ስገብር ለዐዋጁ ለዕጣዬ፣
አንቺ ዝቅ ብለሽ ወይ እኔ ከፍ ብዬ፣
እንገናኝ ይሆን? ሆኗል ጥያቄዬ።

ምንጭ ፦ለራስ የተፃፈ ደብዳቤ
            በደበበ ሰይፉ

Tuesday, June 06, 2017

የማስቲካ እድሜ ስንት ነው?

ባለፈው ቅዳሜ ዕለት ወደ መርካቶ ((የጅማዋን መርካቶ ማለቴ ነው)) እየሄድኩኝ እንደ አጋጣሚ ሆኖ ሁለት የግቢያችን ሴት ተማሪዎች እኔ የተሳፈርኩበት ታክሲ ውስጥ ከኋላዬ ተቀምጠው ነበር ። ልጆቹን በደንብ አላውቃቸውም ከግቢው በር ወጥተው እኔ ካለሁባት ታክሲ እስከሚገቡ ድረስ እንደከለምኳቸው ከሆነ  ግን አንዲቱ ጠይምና ወፈርፈር ያለች ቁጥር  መልኳ የኔ ቢጤ አፍንጫ ጎራዳ ስትሆን ትክሻዋ ላይ የተዘናፈለው የተፈተለ ሐር የመሰለ ፀጉሯ ቀልብን የመሳብ መግነጢሳዊ ኃይል አጎናፅፏታል። አንደኛዋ ደግሞ ቀላ ያለችና የደም ገንቦ ናት ለማለት ባታስደፍርም የደስደስ ያላት ልጅ ነች።((ከጉልበቱ ላይ የተቀደደ ሱሪ ከመልበሷ በቀር))። 

ልጆቹ ከብዙ ተሳፋሪዎች  ጋር ከቆጪ ወደ መርካቶ የሚሄዱ ሳይሆን በሌላ ዓለም ውስጥ የራሳቸውን ክፍለ ሀገር ፈጥረው የራሳቸውን ህይወት የሚኖሩ ይመስላሉ። የእኛን ታክሲዋ ውስጥ መኖር አለመኖር ከምንም ቆጥረው የመጣላቸውን ሁሉ ያወራሉ። ወዲያው ገብተው ከኋላዬ እንደተቀመጡ “አንደኛዋ  ማስቲካ ከየት አመጣሽ?” አለች ጮህ ብላ። “የቅድሙ ነዋ” አለች ሌላኛዋ በአፏ የያዘችውን ማስቲካ ጧ! ጧ! እያደረገች። “የጥዋቱን እስካሁን እያኘክሽ ባልሆነ” ጥያቄዋን ቀጠለች።“አወና” በማለት መለሰችላት ቀብረር ሞልቀቅ ባለ አነጋግር። “ኧረ ይቅር ይበልሽ እኔ አንድ ማስቲካ ከሁለት ሰዓት በላይ ማኘክ በጣም ነው ሚያስጠላኝ እሽ! አንቺ ደግሞ እየለጠፍሽ ነው እንዴ  ድጋሜ ምታኝኪው?”((እየለጠፉ ማኘክ የሚሉትን ነገር አላረፍሁትም )) ።

Friday, June 02, 2017

💘💘 ታሚኛለሽ አሉ 💘💘

ይወደኛል ብለሽ ታሚኛለሽ አሉ፣
ለወጭ ለወራጁ ለሳር ለቅጠሉ።
እርጥብ በሚያቃጥል የፍቅሬ ነበልባል፣
መሰንበቱን እንጃ እጅጉን ተጎድቷል፣
እንደፊቱም አይደል ከሰውነት ወጥቷል፣
ቀልቡን ብቻ ሳይሆን ልቡናውን አጥቷል፤
እያልሽ በየሜዳው ሟርት ከምትዘሪ፣
የልብ ጆሮ ግዥ ቆንጂት ተመከሪ፤
ወደ አንቺ ተመልከች ውስጥሽን መርምሪ፣
በዝሙት ያደፈ ህሊናሽን አጥሪ።
“ለምን?” አትይኝም?
“ለምን?” ማለት ጥሩ!
ከቧልትሽ ገበታ የታደሙ ሁሉ፣
ሲያሙሽ ታዝቢያለሁ ሥጋሽን ሲበሉ፣
ደጅ ለመታው ሁሉ ከፈተች እያሉ።
*ጌች ቀጭኑ ከገዳም ሰፈር: ግንቦት 22/2009 ዓ.ም*

Tuesday, May 30, 2017

ወአንትሙሰ ንበሩ ሀገረ ኢየሩሳሌም


“ወአንትሙሰ ንበሩ ሀገረ ኢየሩሳሌም እስከ ትለብሱ ኃይለ እምአርያም።እናንተ ግን ከሰማይ ኃይልን እስክትለብሱ ማለትም ሰማያዊ ሃብትን ሰማያዊ እውቀትን ገነዘብ እስከምታደርጉ ድረስ በኢየሩሳሌም ኑሩ ሉቃ፦24:49። ይህ ዶግማ ነው ወገን! ሰማያዊ ሃብት መንግስተ ሰማያትን ገንዘብ እስከምናደርግ ድረስ በኢየሩሳሌም(በቤተክርስቲያን ጥላ ስር) መቆዬት። የመንፈስ ቅዱስ ጸጋ ከሚወርድባት ከማርቆስ እናት ቤት አለመጥፋት።” ዲ/ን ጌታቸው ቢሰጠኝ። 

“የሠራዊት ጌታ እግዚአብሔር ሆይ፥ ማደሪያዎችህ እንደምን የተወደዱ ናቸው! ነፍሴ የእግዚአብሔርን አደባባዮች ትወድዳለች ትናፍቅማለች፤ ልቤም ሥጋዬም በሕያው አምላክ ደስ ተሰኘ።ወፍ ለእርስዋ ቤትን አገኘች፥ ዋኖስም ጫጩቶችዋን የምታኖርበት ቤት አገኘች፤ የሠራዊት አምላክ ንጉሤም አምላኬም ሆይ፥ እርሱ መሠዊያህ ነው። በቤትህ የሚኖሩ ሁሉ የተመሰገኑ ናቸው፤ ለዓለምና ለዘላለምም ያመሰግኑሃል።አቤቱ፥ እርዳታው ከአንተ ዘንድ የሆነለት፥ በልቡም የላይኛውን መንገድ የሚያስብ ሰው ምስጉን ነው።በልቅሶ ሸለቆ ውስጥ በወሰነው ስፍራ የሕግ መምህር በረከትን ይሰጣልና።ከኃይል ወደ ኃይል ይሄዳሉ፤ የአማልክት አምላክ በጽዮን ይታያል። 

የሠራዊት አምላክ አቤቱ፥ ጸሎቴን ስማ፤ የያዕቆብ አምላክ ሆይ፥ አድምጥ።አቤቱ፥ መታመናችንን እይልን፥ ወደ ቀባኸውም ፊት ተመልከት።ከአእላፍ ይልቅ በአደባባዮችህ አንዲት ቀን ትሻላለች፤ በኃጥኣን ድንኳኖች ከመቀመጥ ይልቅ በእግዚአብሔር ቤት እጣል ዘንድ መረጥሁ።መዝ 83፦1-10።”

የ2009ዓ.ም የጅ/ዩ/ዋ/ግ/ግ/ጉ ምክክር ንዑስ ክፍል አባላት ከሻይ መርሃ ግብር መልስ በአለን ደብረገነት ቅዱስ ጊዮርጊስ ቤተክርስቲያን ግንቦት 19/2009 ዓ.ም።

Monday, May 22, 2017

ግንቦት 11 ቅዱስ ያሬድ የተሰወረበት እለት

በዚች እለት የሱራፌል አምሳላቸው የሆነ ማህሌታዊ ቅዱስ ያሬድ የተሰወረበት እለት ነው፡፡ ይህም ቅዱስና ሊቅ አባቱ አዳም፥ እናቱ ታውክልያ ይባላሉ፡፡ያሬድ ማለት፦ሙራደ ቃል ማለት ሲሆን ብሔረ ሙላዱ ከዘርዓ ሌዋውያን አኩሱም ነው፡፡ የተወለደውም በ505 ዓ.ም ነው፡፡ ይኼም ቅዱስ ከገበዘ አኩሱም ከአባ ጌዴዎን ዘመዶች ወገን ሲሆን በኢትዮጵያ ከምትቀድመው ከአኩሱም ካህናት ውስጥ ነው፡፡አባ ጌዴዎን ከካህን አባቱ ከአዳም ተቀብሎ ትምህርትን ሊያስተምረው በጀመረ ጊዜ መቀበልና ማጥናት እስከ ሰባት ዓመት ድረስ ተሳነው፡፡ ባንዲት እለትም አባ ጌዴዎን በእርሱ ላይ ተበሳጭቶ ገርፎ አሳመመው፡፡ ያሬድም ሸሽቶ ወደቤተሰቦቹ ለመመለስ ከዱር ውስጥ ገባ፡፡ ከኀዘኑም ብዛት የተነሳ ከዛፍ ስር ተጠለለ፡፡ ከተጠለለበትም ዛፍ ላይ ትል ሲወጣ ተመለከተ፡፡ ትሉም ከዛፉ እኩሌታ ደርሶ ይወድቅ ነበር፡፡ እንዲሁም ብዙ ጊዜ ከወጣና ከወረደ በኋላ በብዙ ጭንቅ ከዛፉ ላይ ወጥቶ ፍሬዋን ሲበላ ተመለከተ፡፡ እኔምኮ እንደትሉ ብዙ ብደክምና ብተጋ ሊገለጥልኝ ይችላል በማለት ተመልሶ መምህሩን አባ ጌዴዎንን፦አባቴ ይቅርታ አድርግልኝና እንደወደድህ አድርገኝ አለው፤ መምህሩም አባጌዴዎን በደስታ ተቀበለው፡፡

ከዚያም በኋላ እግዚአብሔር ኅሊናውን ንፁሕ፥ ልቡናውን ብሩህ አድርጎለት ባንዲት ቀን ብሉይና ሐዲስን ወስኖ ተገኝቷል፤ ዲቁናም ተሹሟል፡፡ በዚያም ወራት እንደዛሬው በከፍተኛ ቃል የመዝሙር ማኅሌት የለም ነበርና እግዚአብሔር መታሰቢያ ሊያቆምለት በወደደ ጊዜ ከኤዶም ገነት ሶስት አእዋፋትን ላከለት፡፡ እነሱም በሰው አንደበት ሲያነጋግሩት ተመስጦ መጣበት፡፡ ሶስቱም ወፎች ወደ ኢየሩሳሌም ሰማያዊት ሀገር ወሰዱትና ሃያ አራቱ ካህናተ ሰማይ የሚያመሰግኑበትን ማኅሌታቸውን ተማረ፡፡ እግዚአብሔርም በመንበረ ጸባኦት ሆኖ በቃለ አቅርንት፥ በስብሐተ መላእክት ሲመሰገን ሰማ፡፡ወደ ምድርም በተመለሰ ጊዜ ጻጻሱና ንጉሱ፥ መሳፍንቱና ካህናቱ ለጸሎት ተሰብስበው ሳሉ ከጥዋቱ በሶስት ሰዓት በአኩሱም ወረደ ከመላእክትም የሰማውን በታላቅ ቃል፦ሃሌ ሉያ ለአብ፥ ሃሌ ሉያ ለወልድ፥ ሃሌ ሉያ ለመንፈስ ቅዱስ ቀዳሚሃ ለፅዮን ሰማየ ሳረረ፥ ወበዳግም አርአዮ ለሙሴ ዘከመ ይገብር ግብራ ለደብተራ ብሎ አመስግኗል፡፡ ትርጉሙም፦ለአብ ምስጋና ይገባል፥ ለወልድ ምስጋና ይገባል ለመንፈስ ቅዱስም ምስጋና ይገባል፤ የፅዮንም ደገኛዋ ሰማይን ፈጠረ ዳግመኛም እንዴት እንደሚሰራት የድንኳኑን አሠራር ለሙሴ አሳየው አስተማረው ማለት ነው፡፡

Thursday, May 11, 2017

ለጽጌረዳ(Y.f)

ሰላምና ጤና ደስታና ፍቅር ምን ጊዜም ቢሆን ካንቺ አይለዩ። ከምንም ከማንም የማስቀድምሽ የምወድሽ የማፈቅርሽ እና የማከብርሽ  በልቤ ውስጥ ያነገስኩሽ ልዕልት ጓደኛዬ ለጤናሽ እንደምን አለሽልኝ። እኔ የፍቅር አምላክ የተመሰገን ይሁን እጅጉን ደህና ነኝ። ከሁሉም አስቀድሜ እንኳን ለአዲሱ ዓመት በሰላምና በጤና አደረሰሽ ማለት እወዳለሁ። አሁን ከሌሊቱ 5:18 ሲሆን በግቢያችን የጌሾ ተሳፋሪዎች ድምጽ ምድርን እያንቀጠቀጣት ነው። አሮጌውን ዓመት ለማባረር ይሁን አዲሱን ለማስፈራራት አላውቅም ሰው ሁሉ ጥምብር እስከሚል ጠጥቶ እንደ አበደ ውሻ እየወደቀ እየተነሳ ይጮሃል ።እኔ ግን በናፍቆትሽ ብርታት እንጅ በተራ ነገር መስከር አላስመኘኝምና  እነሆ ልቤ እንደ ልደት ሻማ ቀልጣ  እንዳታልቅብኝ የሰጋሁ ይመስል ድንክ አልጋየ ላይ ተንበልብዬ ከማርና ከወተት በሚጣፍጠው ፍቅርሽ ሰከርኩልሽ።መነሳት እንጅ መውደቅ የሌለበት ጸጥታን የተጎናፀፈ የሀሴት ዝማሬ እንጅ ጩኸት የማይሰማበት ደስ የሚል ስካር! ፍቅር !ጽጌረዳዬ በዚህ ሰዓት ለበዓሉ ዝግጅት ሽርጉድ እያልሽ እንደሚሆን አልጠራጠርም።ፈጣሪ ፀሎቴን ቢሰማኝና የንሥር ክንፍ ቢሰጠኝ አንዴ ጀበናውን አንዴ ረከቦቱን ይዘሽ በሰፊው አዳራሽ ሰበር ሰካ  ስትይበት ማየት ብችል ምንኛ ደስ ባለኝ ።መብላት መጠጣት አልመኝም ነበር።አይ!አይ!እውነት ለመናገር በብራንጎድ የሚወረወር ከመሰለው ቡናሽ እፉት ካላልኩኝና የጉማሬ አለንጋ በመሰሉ ጣቶሽ ካላጎረስሽኝ በዓል ያከበርኩ አይመስለኝም። እማማ ትሙት! ሌላ ሰው ጥብስ ከሚጋብዘኝ መራራውን ጣፋጭ የሚያደርጉ እጆችሽ የነኩት ሽሮ ወጥሽን እመርጣለሁ፤ ኧረ እንዴው በበርበሬም ቢሆን።እኔ ምልሽ ውዴ አንቺንም እንደ እኔ አድርጎሽ ያውቃል?ናፍቆት፣ትዝታ፣ሰቀቀን፣ በቃ ምን ብዬ ልንገርሽ ?አሁን አሁንማ ደግሜ የማይሽ ሁላ አልመስልህ እያለኝ ተቸግሪያለሁ። የማያገኙትን ሰው መመኘት መጃጃል ቢሆንም እኔ ግን እንደ ንጋት ኮከብ የሚያበሩ ዓይኖችሽን፣ የውበት አምላክ በማይመረመር ጥበቡ አሳምሮ የደረደራቸው አበባ ጥርሶችሽን፣ የሃር ጉንጉን የመሰለ ፀጉርሽን፣እንደ ሚዳቋ ቀንድ የተቀሰሩ ጡቶችሽን እያየሁ፤ እንደ ዋሽንት የሚስረቀረቅ ድምጽሽን እየሰማሁ፤በደስታ ባህር መዋኘትና አውቆ መሞኘትን እመርጣለሁ። እናማ የኔ ውድ በፈቃዱ ያስተዋወቀን አምላክ ዳግም ያገናኘን ዘንድ የዘወትር ፀሎቴ ነው።እስከዚያው ድረስ ግን መልካም አዲስ ዓመት!

ምርኮኛሽ - ለ(Y.f)!ጳጉሜ 5/2008 ዓ.ም

Tuesday, May 09, 2017

እምሊባኖስ ንዒ

መዝገበ ርኅራኄ ድንግል ማርያም፣
ወልዳ የሰጠችን የዓለምን ሰላም፣
ለመላእክት እኅት እናት ናት ለዓለም።
ክብርት ናትና አምሳል የሌላት፣
ድንግል ተወለደች በመላክ ብስራት።
ድንግል ስትወለድ በአምላክ ቃልኪዳን፣
የሊባኖስ ጋራ ተሞላች በብርሃን።
ሀሴት አደረግን በፍጹም ደስታ፣
ምስጋናም አቀረብን ለአምላክ በዕልልታ።
የድንግል መወለድ ከእያቄም ከሐና፣
ስንጠብቀው የኖርን ተስፋችን ነውና።
ዘመድም ባታጣ ወዳጅ ቢኖራት፣
ሐና ምትወልድበት አልተገኘም ቤት፣
እንኳን ቤት በረቱን አይሁድ ነፍገዋት፣
በደብር ተወለደች የአምላክ እናት፤
አባቷ ሰሎሞን በቃለ ትንቢት ፣
ንዒ እምሊባኖስ እኅትዬ መርዓት ፣
ብሎ እንደዘመረ እንዳወደሳት።
ምንጭ ፦መዝገበ ታሪክ ክፍል አንድ

Sunday, May 07, 2017

ሰምታችኋል???


አልሰማንም እንዳትሉ! ያልሰማችሁ ስሙ! ይህ ትላንት ሚያዚያ 28 ቀን 2009 ዓ.ም የጅማ ዩኒቨርሲቲ  ዋና ግቢ ግቢ ጉባኤ 26ኛ ዓመት የምስረታ በዓልንና  የጅማ ሐመረ ኖኅ ቅድስት ኪዳነምህረት ቤተ ክርስቲያን ቅዳሴ ቤቷ የከበረበትን 10ኛ ዓመት ክብረ በዓል ምክንያት በማድረግ “ህይወት በግቢ ጉባኤ ቆይታና ከግቢ ውጪ” በሚል ርዕስ በተዘጋጀው የምክክር መድረክ ላይ የተላለፈ የመጨረሻው መልእክት ነው።

“እንግዲህ፥ ወንድሞች ሆይ፥ ሰውነታችሁን እግዚአብሔርን ደስ የሚያሰኝና ሕያው ቅዱስም መሥዋዕት አድርጋችሁ ታቀርቡ ዘንድ በእግዚአብሔር ርኅራኄ እለምናችኋለሁ፥ እርሱም ለአእምሮ የሚመች አገልግሎታችሁ ነው። የእግዚአብሔር ፈቃድ እርሱም በጎና ደስ የሚያሰኝ ፍጹምም የሆነው ነገር ምን እንደ ሆነ ፈትናችሁ ታውቁ ዘንድ በልባችሁ መታደስ ተለወጡ እንጂ ይህን ዓለም አትምሰሉ። እግዚአብሔር ለእያንዳንዱ የእምነትን መጠን እንዳካፈለው፥ እንደ ባለ አእምሮ እንዲያስብ እንጂ ማሰብ ከሚገባው አልፎ በትዕቢት እንዳያስብ በመካከላችሁ ላለው ለእያንዳንዱ በተሰጠኝ ጸጋ እናገራለሁ።

በአንድ አካል ብዙ ብልቶች እንዳሉን፥ የብልቶቹም ሁሉ ሥራ አንድ እንዳይደለ፥ እንዲሁ ብዙዎች ስንሆን በክርስቶስ አንድ አካል ነን፥ እርስ በርሳችንም እያንዳንዳችን የሌላው ብልቶች ነን። እንደ ተሰጠንም ጸጋ ልዩ ልዩ ስጦታ አለን፤ ትንቢት ቢሆን እንደ እምነታችን መጠን ትንቢት እንናገር፤ አገልግሎት ቢሆን በአገልግሎታችን እንትጋ፤ የሚያስተምርም ቢሆን በማስተማሩ ይትጋ፤  የሚመክርም ቢሆን በመምከሩ ይትጋ፤ የሚሰጥ በልግስና ይስጥ፤ የሚገዛ በትጋት ይግዛ፤ የሚምር በደስታ ይማር። ፍቅራችሁ ያለ ግብዝነት ይሁን።

ክፉውን ነገር ተጸየፉት፤ ከበጎ ነገር ጋር ተባበሩ፤  በወንድማማች መዋደድ እርስ በርሳችሁ ተዋደዱ፤ እርስ በርሳችሁ ተከባበሩ፤ለሥራ ከመትጋት አትለግሙ፤ በመንፈስ የምትቃጠሉ ሁኑ፤ ለጌታ ተገዙ፤ በተስፋ ደስ ይበላችሁ፤ በመከራ ታገሡ፤ በጸሎት ጽኑ፤  ቅዱሳንን በሚያስፈልጋቸው እርዱ፤ እንግዶችን ለመቀበል ትጉ።  የሚያሳድዱአችሁን መርቁ፥ መርቁ እንጂ አትርገሙ። ደስ ከሚላቸው ጋር ደስ ይበላችሁ፥ ከሚያለቅሱም ጋር አልቅሱ።  እርስ በርሳችሁ በአንድ አሳብ ተስማሙ፤ የትዕቢትን ነገር አታስቡ፥ ነገር ግን የትሕትናን ነገር ለመሥራት ትጉ። ልባሞች የሆናችሁ አይምሰላችሁ። 

ለማንም ስለ ክፉ ፈንታ ክፉን አትመልሱ፤ በሰው ሁሉ ፊት መልካም የሆነውን አስቡ።  ቢቻላችሁስ በእናንተ በኩል ከሰው ሁሉ ጋር በሰላም ኑሩ።  ተወዳጆች ሆይ፥ ራሳችሁ አትበቀሉ፥ ለቍጣው ፈንታ ስጡ እንጂ፤ በቀል የእኔ ነው፥ እኔ ብድራቱን እመልሳለሁ ይላል ጌታ ተብሎ ተጽፎአልና። ጠላችሁ ግን ቢራብ አብሉት፤ ቢጠማ አጠጡት፤ ይህን በማድረጋችሁ በራሱ ላይ የእሳት ፍም ትከምራላችሁና።  ክፉውን በመልካም አሸንፉ እንጂ በክፉ አትሸነፉ። ሮሜ12፦1-21“

ይህንን መልዕክት ያስተላለፈው  ወንድማችን ዲያቆን ዳዊት እና ባለቤቱ ወይዘሮ የውብዳር በዚሁ ዕለት 10ኛ ዓመት የጋብቻ በዓላቸውን በቦታው ተገኝተው በደስታና በደማቅ ሁኔታ አክብረዋል። እኔም በቅናት መንፈሳዊ እርር ድብን ስል አመሻሽቼ እግዚአብሔር የመረጣቸው ፍቅሩና ስጦታው የበዛላቸው ጥንዶች ብያቸዋለሁ።
መልካም ዕለተ ሰንበት!!!

Saturday, May 06, 2017

amira's letter 3


DARLING PLEASE CONTACT THIS LAWYER FOR THE DOCUMENTS‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‎
My Sweetheart.

How are you doing over there together with your health? Hope fine and you are perfectly doing well in health. Thanks for your love and concern, Thank for your effort to help me over this topsy-turvey situation which am passing through since the abrupt death of my beloved parents, I am very grateful and I pray that Almighty will bless and empower you to achieve our goal. The message you acknowledge from the bank was also received & understood.


Firstly, I want you to comprehend, I love you from depth of my heart, I could kiss you a thousand times and still not be satisfied, My love for you is endless, so tender, so hot and complete. I swear to God I want you in my life. I love you more and more with each day passing and it eases me to know as tomorrow approaches, that I will love you more than yesterday and tomorrow will be more than today. My love for you cannot be measured by words alone as love does express my true feelings for you.


I thank God for you every day because I know you're heaven sent, you are my angel and I can't wait to join you as soon as we are through with this magnitude transaction. Darling, Please listen, I have never told anybody about this money the only person that knows about it is you and me no one again knows about it (since my parent's are dead).


Therefore, will advise you to keep it yourself due to am afraid of losing the money to people who will disappoint me when the money gets to there care, that is why it took me time to tell you about it and i promise you this from my heart (I AM NOT GOING TO DISAPPOINT YOU) and i equally expect the same from you.


Now,regarding the requests the bank needs from us i have with me here my late father statement of account (which i will give to the lawyer when he agrees to help us)and the death certificate,(which i will also give to him,so he can send them to you ) I thought it's the only thing the bank will need from us but since they need the power of attorney and the affidavit of support,i have informed the Reverend Pastor about it and he gave me the contact of this lawyer below, he is a registered lawyer in the United Nation Camp here and he is also a registered member in (Senegalese Bar Association) who will help in preparing the documents for us.
Please i will like you to contact him through email and phone today please to let him know how serious we are, When contacting him, tell him you are my foreign partner and you want him to prepare a power of attorney and also get the affidavit of Oath from high court here in Dakar Senegal and that he will do it in your name to enable the transfer of my (Late) father's Islamic Bank of Britain to your account.

Wednesday, May 03, 2017

letter from THE ISLAMIC BANK OF BRITAIN P.L.C


Welcome To The Islamic Bank of Britain P.l.c United Kingdom.
  

Islamic Bank

ISLAMIC BANK OF BRITAIN PLC 
HEAD OFFICE: Islamic Bank of Britain PLC, Birmingham B16 6AQ.  FREE POT: PO BOX 12461
(
islamicbank@onlinbanking.co.uk)
TEL: +
 447-866-075-778. Fax+44-703-194-1849
Date: March/27/2017.
FOR YOUR KIND ATTENTION.
Sir\Mr.Getaneh Kassie.
I have been directed by the director of Foreign Operation/Wire Transfer to write you in respect of your e-mail received. Actually we have earlier been told about you by the young lady Miss. AmiraIbrahim Fred that she wishes you to be her trustee/representative for the claim her late father's deposit with our bank.Late Dr Ibrahim Fred is our late customer with account no.BLB745008901546/QB/91/A substantial amount(US$7,400,000.00) of deposit with us. Hence you have been really appointed as a trustee to represent the next of Kin. However before our bank will transact any business concerning the transfer of the fund with you, we will like you to send the followings:

1. Power of Attorney and Affidavit of Oath permitting you to claim and transfer the funds to your bank account on her behalf. Note: This Power of attorney must be endorsed by a Senegalese resident lawyer (since the money is originated from Africa and the girl is currently residing in Senegal).

2. The death certificate of late Dr 
 Fred Ibrahim  (Her deceased father) confirming the death.

3. A copy of Statement of the account issued to Dr Ibrahim 
Fred by our bank.
Note that the above are compulsory, and are needed to protect our interest,yours, the next of kin after the claims. These shall also ensure that a smooth, quick and successful transfer of the fund will be make within 48 hours at reception of these documents.

Also you have to send your account information which will facilitate this fund as soon as these documents are been provided.Therefore You have to hurry up to present these documents to our bank to enable us wire the fund ( US$7,400,000.00 ) into your account. We promise to give our customers the best of our services. Should you have any question(s) please contact foreign transfer officer Mr 
Robert Owen on telephone number +447866075778 / fax +44-703-194-1849 for more directives /clarifications.

Yours Faithfully,
Mr Robert Owen. 
Foreign Operation International Transfer and Remittance  (I.B.B)

this letter was forwarded to amira like this,
Hi amira how are you doing today? I hope every thing is fine. here is the email from the islamic bank of britain sent in response to my requiest .as I told you before I am very happy to be with you all the time.what can  I do now please? never keep silent I am looking for your voice.yoursGetaneh Kassie