ጀግና ነኝ

የሚያምነኝ አይኖርም ይኸንን አውቃለሁ
ለራሴ እውነት ከሆንሁ እኔው እበቃለሁ
ሽንፈቴን አምኜ እንቅልፍ የማልተኛ
በአባቴ የወጣሁ ጀግና ነኝ ነፍጠኛ
ትምክህተኛ አትበሉኝ መመካት ያንሰኛል
የእሣት ልጅ ነበልባል መሆን ያኮራኛል
ልክ እንደ አባ ኮስትር እንደ በላይ ሁላ
ካሰብሁበት ሳልደርስ ትጥቄ የማይላላ
የግዮን መፍለቂያው ግሽ አባይ ሰከላ
ጎጃም ያበቀለኝ ዱር ቤቴ ዳንግላ
እንደ አንበሳው ቴዲ እንደ እሣቱ ረመጥ
ለሃይመኖቴ ሟች ማተቤን የማልቆርጥ
ዋሽቶ ከመሸለም ከርቸሌ የምመርጥ
የአባቶቼን ርስት ለባንዳ የማልሰጥ
እኔ ጾም እያደርሁ ለራበው የማጎርስ
ክፋት ምቀኝነት ከደጄ የማይደርስ
ብሉልኝ ጠጡልኝ የሆነ ልማዴ
ጎንደር ያሳደገኝ ወልቃይት ጠገዴ
ጀግና የጀግና ዘር አይደለሁም እንዴ?
ጌች ቀጭኑ 27/09/1ዐ